CAGAYAN DE ORO CITY-Pagkabilanggo sa tibuok kinabuhi ang atubangon sa clerk of court kon mapamatud-an nga gipanag- iya niini ang balor 140-mil pesos nga suspected shabu nga nakompiskar sa mga otoridad gikan sa pinuy-anan niini sa Brgy Poblacion,Naawan,Misamis Oriental.
Kini human nasikop sa PDEA-10 ug PNP pinasikad sa search warrant si Lou Loranjo Dapanas,50 anyos,minyo ug nagpuyo sa maong lugar.
Gibutyag ni PDEA Agent Brix nga nakuha gikan sa posisyon ni Dapanas ang 6 ka sachets sa gitoohang shabu hinungdan ila kining gi-aresto.
Si Dapanas ang clerk of court nga nakabase sa 10th Municipal Circuit Trial Court Manticao ning lalawigan.
Una niini,gikompirmar ni Dapanas nga trabahante kini sa gobierno apan nagdumili pag-angkon siya ang tag-iya sa mga shabu nakuha gikan sa iyang pinuy-anan.
