CAGAYAN DE ORO CITY-Napatay kay giingong misukol sa kapolisan ang suspected drug pusher nga nakig-transaction sa ilegal nga droga sulod sa menteryo sa lungsod sa Manticao,Misamis Oriental.
Giila ni Manticao Police Station commander Sr/Insp Marlo Lanioso ang suspek nga si Lermie Lunas,21 anyos nga nagpuyo sa maong lungsod.
Namugos si Lanioso nga kalit mibunot sa 38 kalibre nga armas ang suspek aron pusilon ang pulis nga nakig-transaction kaniya hinungdan nga giunhan kini’g pusil sa tropa nga nagpalibot sa lugar.
Nagbaton sa daghang igo sa mga bala ang lawas sa biktima hinungdan nga patay na kining nadala sa ospital sa maong lungsod.
Nakuha ni Lanioso kuyog ang duha ka laing special police units gikan sa posisyon ni Lunas ang armas,droga ug marked money nga gigamit sa transaction.
