CAGAYAN DE ORO CITY-Kasuhan sa PDEA-10 sa pagbaligya’g gidiling droga ang municipal election officer nga nasikop sa pinuy-anan niini diha sa Brgy Iponan sa syudad.
Kini human nakuhaa’g balor 10 gramos nga gitoohang shabu si Jose Mari Fernandez nga nagsilbing municipal elections officer sa Gitagum,Misamis Oriental.
Miingon si PDEA-MisOr team head Ken Cardona nga nasikop usab nila ang supplier ni Fernandez nga si Clint Abaday
Pagapulaan nga nagpuyo sa Brgy Patag sa syudad.
Samtang nakurat si Misamis Oriental Election Supervisor Atty Carlito Ravelo sa pagkasikop sa iyang municipal election officer nga nadestino sa Gitagum,Misamis Oriental.
Miingon si Ravelo nga dili pa kini makasulti sa pakasikop ni Fernandez diin unang nakuhaan sa upat ka sachets sa sa suspected shabu kagahapon sa hapon.
Nasuta usab nga kanhi usab nadakpan si Fernandez dihang gironda sa CIDG-Misamis Oriental tungod sa pagbaton sa illegal nga armas sa miaging semana.
