CAGAYAN DE ORO CITY – Gilugwayan sa laing mga semana nga ubos sa general community quarantine ang Misamis Oriental.
Miingon si Provincial Gov Bambi Emano nga kabahin sa bug-at nga rason niini ang pagkamatay sa pasyente nga positibo sa coronavirus dinhi sa syudad.
Dugang ni Emano nga may mga kausaban sa mga gabayan apan tuyo lamang niini nga masiguro ang kaluwasan sa katawhan batok sa bayrus.
Dugtong niini,gitugtan na ang mga motorista ilabina kadtong mga gasakay gamit ang mga motorsiklo nga magbaton sa angkas samtang mosulod sa Misamis Oriental.
Kini kabahin sa kausaban sa gabayan gipatuman sa extended general community quarantine nunot sa tuyo nga pugngan masudlan sa positibong kaso sa coronavirus ang lalawigan.
Miingon si Emano nga gawas niini,gitugtan na usad ang pagpahigayon sa restaurant ‘dine-in’,haya sa mga minatay,pagpahigayon sa sports activities apan angay obserbahan ang physical distancing.
Sitahon na usab kadtong nasulod sa Authorized Persons Outside of Residence o APOR aron ipaubos sa pakisusi.
