CAGAYAN DE ORO CITY – Gipaabot ni Gob Bambi Emano ang iyang pasubo sa nagbangutang pamilya ni PMA Cadet 4th Class Darwin Dormitorio nga namatay sa hazing sa Baguio City.
Pinaagi sa social media message, gikuwestiyon ni Emano kon kanus-a mahunong ang mga hitabo sa hazing sa mga kadete sulod sa PMA sama sa gidangatan ni Dormitorio.
Namahayag ang gobernador nga dako unta’g ikatabang sa pang-gubatan ang biktima kon buhi pa kini ug molampos sa iyang pagsundalo sa akademya.
Una usab niini, gikasubo ni Regional Peace and Order Council chairman City Mayor Oscar Moreno ang nahitabo kang Dormitorio kinsa dako’g kaugmaon mahimong military official sa nasud.
