CAGAYAN DE ORO CITY – Gihagit ni Provincial Gov Peter Unabia ang susama niya nga mga trabahante sa gobierno ug mismong katawhan nga mub-an ang daghang pagluwat pulong apan mas doblehon ang pagsanong sa kasuguan.
Kini ang makahuluganon nga mensahe sa gobernador sa pagpangulo niini sa ika-126 ka tuig nga Philippine Independence Day sa kapitolyo-probinsyal kaganihang buntag.
Namahayag ang gobernador nga dili lang kutob sa pagdumdom,pagyukbo ug paglab-as apan angayang kuyugan sa binuhatan sa katarong sa matag-usa aron tinud-anay nga mapuslan ang kahago sa mga unang bayaning-Pilipinhon.
Siya miingon nga tipik sa hagit nga angay usab buhaton ilabina sa mga opisyal sa gobierno nga ihaw-as nila sa kultura sa kurapsyon ang ilang mga kaugalingon sa tuyo nga mas makahatag kini’g labing maayong serbisyo sa katawhang gi-alagaran.
