CAGAYAN DE ORO CITY -Gikuwesyon ni kanhi Misamis Oriental Vice Gov. Joey Pelaez ang pagpangunay sa kapitolyo probinsyal sa paglusad sa Power Consumer Forum and Power Consultation sa Gingoog City ning lalawigan kagahapong adlawa.
Kini human unang giakusahan sa kanhi-bise gobernador ang Misamis Oriental provincial govt ubos sa pagpangulo ni Gov. Peter Unabia nga nagsilbing ahente sa kompanyang Meralco Industrial Engineering Services Corporation o MERALCO.
Kini aron mabaligya ang assets sa Misamis Oriental Electric Cooperative Incorporated o MORESCO 2 nga nag-atubang sa daghang suliran sa pag-serbisyo sa sugang dagitab sa ilang mga konsumante sa unang distrito sa probinsya.
Miingon si Pelaez nga kadudahan ang lakang sa kapitolyo kon nganong sa maong katiguman apil ang Meralco.
Kini tungod kay ang electric cooperatives ang angay mohimo’g pagpaabot sa best practices ug dili ang Manila-based company aron nga magamit sa MORESCO 2.
