CAGAYAN DE ORO CITY – Detinado sa kapolisan samtang gitinguha sa duha ka panig nga magka-amicable settlement ang pamilya sa 60 anyos nga lalaki nga naligsan-patay ug sa kagamhanang provincial sa Misamis Oriental.
Kini human disgrasyang nabanggaan sa pick-up vehicle nga gimaneho ni Cesar dela Cerna Bacan nga taga-Brgy Bugo ang biktima nga si Simeon Quinquiño nga residente sa Sitio Baybay,Casinglot,Tagoloan ning lalawigan kagabii.
Saysay ni Tagoloan Police Station commander Police Capt. Rexson Layug nga subay sa imbestigasyon nga wala nabantayi ni Bacan nga mitabok sa highway ang biktima hinungdan nga nabanggaan.
Gidali pagdala sa ospital sa lungsod apan wala na maluwas pa ang kinabuhi.
Gitahas na ni Provincial Governor Peter ‘Senior Pedro’ Unabia nga tabangan ang pamilya sa pagpahiluna sa patayng lawas sa biktima samtang giatiman na ang tulubagon sa drayber nga empleyado sa kapitolyo. (Photos:CTTO)
