CAGAYAN DE ORO CITY – Namugos ang provincial govt sa Misamis Oriental nga wala nila sukad pasagdi ang panginahanglan ug sitwasyon sa mga pamilyang lumad gikan sa Lagonglong nga kapi’g tuig nakisilong sa De Lara Park sa kapitolyo probinsyal ning syudad.
Kini human miani’g lain-laing komento gikan sa publiko ang pugsanong pagpapahawa sa maong mga lumad sa parke aron makabalik na sa Brgy Banglay,Lagonglong ning lalawigan.
Namahayag si Misamis Oriental Provincial administrator Atty Jocelyn Mateo nga sukad nangabot ang mga bakwit,wala sila sukad mapakyas pagtubag sa panginahanglan niini.
Una nang gikadismaya sa kapitolyo nga nagtukod sa laing instraktura ang mga bakwit nga sukwahi sa nasabutan sa ulahi nila nga panagtagbo.
Una usab niini,nanganti si Datu Reynaldo Ayuma nga dili sila mobalik sa ilang lugar kon pabilin ang presensiya sa militar nga nagkampo sa kahadlok nga daw maipit sa engkuwentro batok rebeldeng New People’s Army o NPA.
