CAGAYAN DE ORO CITY – Nagtigbabaw ang kalantip sa salabutan sa magna cum laude graduate sa Mass Communication sa Liceo de Cagayan University nga si Ms Cagayan de Oro candidate no. 6 Cindy Obeñita nga gikan sa Brgy Carmen ning syudad.
Kini human gilupig ni Obeñita ang laing 11 ka maanyag nga kandidata sa maong indigay sa coronation night sa Atrium,Limketkai Mall ning syudad.
Nagsilbing pangutana sa pageant judge kang Cindy kon ngano ug unsay anaa kaniya nga angay kining moduag nga Ms Cagayan de Oro ning tuiga itandi sa iyang 11 ka kauban.
Gawas sa korona nga nakuha ni Obeñita,gisakmit usab niini ang daghang special awards sa maong indigay.
Gihulipan ni Obeñita si 2018 Ms Cagayan de Oro Mary Chris Suico nga gikan sa Brgy Macasandig ning syudad.Si Obeñita ang empleyado usab sa provincial tourism department sa Misamis Oriental.
Nagsilbing 1st runner up ang candidate no.7 nga si Nicole Ramos ;2nd runner-up si candidate no.3 Pauline Pielago;3rd runner-up si candidate 4 ug Vincy Vacalares 4th runner-up si candidate no.11 Souarthizae Violon.
Samtang wala pa mag-sink in kang Obeñita ang iyang kadaugan isip bag-ong Ms Cagayan de Oro 2019.
Kini human wala siya magtoo nga ang iyang tubag ang dunay labing undanon nga mensahe dihang gipaubos sila sa uestion and answer sa mga hurado sa Ms CdeO coronation sa Atrium,Limketkai Mall.
Miingon si Obeñita nga gusto niya dad-on sa national attention ang iyang adbokasiya sa cervical cancer nga mibiktima sa daghang kababayen-an sa nasud.
Dugtong niini,gipasalamatan ni Cindy ang tanang naghago aron siya makaabot sa pagsakmit sa korona sa Ms Cagayan de Oro ning tuiga niadtong Agosto 24 ning tuiga.
