CAGAYAN DE ORO CITY – Supak si Gov Bambi Emano nga ipaubos sa lockdown batok coronavirus ang Misamis Oriental nga maglakip ang Cagayan de Oro.
Kini tungod kay limitado lamang ang suplay sa pagkaon nga mahatag sa kagamhanan alang sa katawhan.
Miingon ang gobenador nga kini ang hinungdan nga tinguhaon sa inter-agency task force nga walay bisan usa ka residente sa syudad ug lalawigan nga magpositibo sa maong sakit,
Kini ilabina nga mikalas na’g mga kinabuhi sa tawo sa silingang mga probinsya sa Mindanao.
Dugang ni Emano nga dili gusto niini ang maong lakang kay daghang konsiderasyon nga angay ipatuman niini.
