CAGAYAN DE ORO CITY – Mohatag reward money ang provincial govt sa mga tawo nga makatudlo sa mga suspek sa pagpatay kang Napaliran Brgy Kapitan Claver Miral nga unang gi-ambush sa utlanang bahin sa Jasaan ug Balingasag,Misamis Oriental.
Miingon si Misamis Oriental Gov Bambi Emano nga anaa sa P300-mil hangtud P500-mil ang ihatag nga reward aron mapadali ang pagsulbad sa kremin.
Dugang ni Emano nga gihulat na lamang niini ang kompletong report sa SITG-Miral alang sa paglugwa sa maong pondo.
Una nang gitin-aw ni Misamis Oriental Provincial Police Office Director Police Col Rolando Destura nga walay kalabutan sa politika ang pagpatay kang Miral bisan nga suporter kini sa pipila ka politiko sa maong lungsod.
