CAGAYAN DE ORO CITY-Gibalibaran ni Gov Bambi Emano ang pipila sa mga demanda sa mga bakwit nga ipaguba ang army detachment ug ipapahawa ang mga sundalo nga naghatag seguridad sa Sitio Minkamansi,Brgy Banglay,Lagonglong,Misamis Oriental.
Kini human inisyal nagka-atubang ang duha ka panig kabahin sa maong suliran kagahapong adlawa.
Unang namugos ang tigpamaba sa mga bakwit nga si Sarisa Acosta nga peligro ang dala sa mga sundalo alang kanila nga mga lumad.
Apan giklaro ni Emano nga mahatag niini ang ubang panginahanglan sa mga bakwit sa capitol park apan bugtong si Pres Rodrigo Duterte lamang ang makapa-pullout sa sundalo sa maong lungsod.
