CAGAYAN DE ORO CITY – Gidawat sa mga anak ni late Police Senior Master Sgt Jason Magno ang plaque of valor ug 100-mil pesos cash gikan sa kagamhanang probinsyal sa Misamis Oriental.
Kini human ilha ni Gov Bambi Emano ang dakong pagsakripisyo ni Magno maluwas lamang ang 150 ka tinun-an ug magtutudlo sa Initao College sa grenade explosion nga hinimuan ni MNLF member Ibrahim Basher sa miaging Nob 28 ning tuiga.
Miingon si Misamis Oriental Provincial Information Officer Carlo Dugaduga nga gihimo ang pagtunol sa maong pasidungog dihang gipahigayon ang binulan nga provincial peace and order council meeting kagahapon sa buntag.
Gi-hire usab ni Emano ang kamagulangang anak ni Magno isip bag-ong trabahante sa provincial tourism ning lalawigan.
