CAGAYAN DE ORO CITY – Nasubo pag-ayo si Gov Bambi Emano ang kamatayon sa pulis ug gikaangol sa laing kauban niini samtang daghang sibilyan ang nadamay sa grenade explosion sa Initao College sa Initao ning lalawigan.
Gibutyag ni Misamis Oriental Provincial spokesperson Carlo Dugaduga nga giisip sa gobernador nga bayanihon ang gihimo ni Police Master Sgt Jason Magno diin gisakripisyo ang kaugalingon aron malikayan ang daghan nga kinabuhi ang makalas sa pagpabusikad sa granada.
Miingon si Dugaduga nga hatagan ni Emano sa pasidungog ang bayaning pulis ug pamilya niini.
Dugang niini,gitakdang moduaw usab si Emano aron ipaabot ang personal nga pasubo sa nagbangutan nga pamilya ni Magno sa Initao ning lalawigan.
