CAGAYAN DE ORO CITY-Suportado ni Gov Bambi Emano ang anti-illegal drugs operations sa kapolisan batok sa pipila ka indibidwal nga nalambigit pagbaligya’g gidiling droga sa Misamis Oriental.
Gihimo ni Emano ang katin-awan bisan sa duha ka suspected drug pushers ang napatay kay giingong misukol sa kapolisan sa Balingasag ug Jasaan ning lalawigan.
Miingon si Emano nga dili usab kini magpanuko pagpahamtang ug silot sa pipila ka PNP officers kon ugaling gamiton lamang nila ang operasyon sa pagpangabuso ngadto sa mga sibilyan.
Kabahin sa napatay sa anti-drug operations ang mga suspek nga sila si Armand Tambaloy Recamata nga taga Balingsag ug Cyber Ebon nga taga-Brgy Bugo apan napusilan sa munisipyo sa Jasaan.
