CAGAYAN DE ORO CITY-Nagtoo ang political supporters ug alyado ni City Mayor Oscar Moreno nga pagguba lamang sa maayong pagdumala niini sa dakbayan ang motibo sa kampo ni Gov Bambi Emano hinungdan may gihimo nga special audit.
Miingon si City Administrator Teddy Sabugaa nga maglisod ang kampo ni Emano nga makabutang sa lig- ong kandidato sunod election batok Moreno hinungdan nga adunay gihimong political harassment.
Sama kang Moreno,nagtoo si Sabugaa nga ensakto ang ilang gihimong pagserbisyo sa katawhan bisan wala moagi sa public bidding ang pipila ka proyekto kaniadto
sa lalawigan.
Samtang gisaway ni Emano ang naghinobrang political interes sa kampo ni Moreno.
Kini human akusahi ni Sabugaa si Emano nga mihimo’g political harassment aron gub-on si Moreno atubangan sa publiko.
Miingon si Emano nga maglikay una kining motompang sa mga intriga sa mga alyado ni Moreno ilabina nga sobra pa kalayo ang mahimong piliay sa syudad.
Una niini,milugwa ang intriga nga molansad pagka-mayor si Emano aron atbangan si Moreno sa 2019 elecitons sa dakbayan.
