CAGAYAN DE ORO CITY-Gibaharan ni Gov Bambi Emano ang mga bakwit nga dili na usbon ang pagbinastos ug pagbalda sa pagpakayab sa nasudnong bandila sa kapitol probinsyal.
Kini human kalit nagsinggita ang mga bakwit samtang giawit ang ‘lupang pinangga’ song kay gusto nila maka-estorya si Emano.
Demanda sa mga bakwit sa gobernador nga ipalayas ang mga sundalo nga nagtukod sa kampo sa Sitio Minkasamansi,Brgy Banglay,Lagonglong ning lalawigan.
Apan gipasalig gihapon ni Emano nga pangitaan niya’g igong panahon ang mga bakwit aron ma-estorya ug hingpit ipapauli sa maong lungsod.
Nasayran nga makapila nang higayon nga nagbalik ang maong bakwit sa kapitolyo apan mas grabe ning tuiga kay si Emano na ang daw nahimong utangan ngadto kanila.
