CAGAYAN DE ORO CITY- Gihangyo karon ni Misamis Oriental Gov Bambi Emano ang mga mayores sa kalungsuran ug mga syudad nga posibleng anaa sa narco-list ni Pres Rodrigo Duterte nga boluntaryo nga motahan na sa ilang kaugalingon.
Kini samtang may igo pa nga panahon aron sila makabag-o sa ilang mga kinabuhi niini.
Giangkon ni Emano nga may pipila kini ka mga pangalan nga nadunggan nga nalambigit sa pagpadagan sa ilegal nga droga sa lalawigan apan dili mahimo panganlan tungod sa kakulang sa mga basehanan.
Gani,mismo si Pres Duterte ang mipatawag sa magkalahi nga higayon sa mga gobernador ug mayores tibuok nasud diin siya naghangyo nga tabangan kini sa kampanya kontra ilegal nga droga.
