CAGAYAN DE ORO CITY – Gihagit ni Gov Bambi Emano ang mi-kuwestiyon sa iyang 140-milyon pesos nga cash advance nga kasuhan siya sa hukmanan.
Kini kon nagduda ang iyang mga kritiko nga dunay ilegal nga gihimo sa paggasto sa maong kantidad sa salapi sa probinsya.
Miingon si Emano nga paagi lamang kini sa ilang mga kaatbang sa politika sa kabalaka nga modagan kini pagka-mayor sa Cagayan de Oro City paghuman sa iyang termino sa lalawigan sa tuig 2022.
Giangkon ni Emano nga anaa kini nga cash advance apan wala usab molugwa ang kantidad nga wala moagi sa makoti nga pagsusi sa tinahasan nga buhatan niini sa kapitolyo probinsyal.
Hinoon wala gitumbok ni Emano kon kinsa ang gipasabot niini nga kaatbang sa politika nga posibleng utok nagpagawas sa impormasyon aron ipatoo nga may kasaypanan kining nahimo ubos sa pagdumala sa katawhan sa lalawigan partikular sa tuig 2018.
