Photo: Steph Berganio
CAGAYAN DE ORO CITY-Sorpresa nga gipaubos sa random drug testing si Gov Bambi Emano ug laign 44 ka empleyado sa kapitolyo-probinsyal.
Si Emano miingon nga tumong niini nga hingpit nga malimpyo ang ilang hanay batok sa illegal nga droga.
Gani, gitin-aw sa gobernador nga iya kini kanunay nga himoon hangtud magpabilin ang iyang duda nga adunay mga trabahante ang nalambigit sa illegal drugs.
Nagbahad si Emano nga termination sa trabaho ang atubangon sa bisan kinsa nga magpositibo sa droga.
Sa miaging mga bulan,may empleyado nga natangtang sa trabaho gumikan sa pagpositibo paggamit sa ilegal nga droga.
