CAGAYAN DE ORO CITY – Dili magmakuli si Gov Bambi Emano ingon man si Provincial Health Officer Dr Jerie Calingasan nga magpa-bakuna gamit ang Sinovac vaccine kon molugwa nga ubos lamang ang rollout sa vaccination program sa Misamis Oriental.
Kini ang garantiya sa duruha tungod sa gibati nga kabalaka ug pagduha-duha sa katawhan nunot sa ubos nga effficacy rate sa Sinovac ilabina kon mild expose lamang sa COVID-19.
Nagtoo ang gobernador nga wala mugnaa ang bakuna aron makadaot sa tawo apan moluwas sa daghang kinabuhi kontra COVID-19.
Hisayrang sa miaging semana,mihimo sa simulation exercises ang kapitolyo nga sinaksihan usab sa ubang mga rehiyon san nasud pinaagi sa virtual nga koneksyon aron sukdon ang katakos ug kaandam sa provincial,municipal ug rural health workers sa paglusad sa vaccination program batok COVID-19 nga miigo sa probinsya.
