CAGAYAN DE ORO CITY-Gidangop na sa pamilyang Paredes sa buhatan ni Gov Bambi Emano ang suliran pagkadagit sa mga rebeldeng NPA kang army Technical Sargeant Joseph Paredes nga taga-Balingasag,Misamis Oriental.
Kini aron magpatabang nga mapadali ang pagbuhi kang Paredes gikan sa mga kamot sa NPA nga midagit kaniya sa Valencia City,Bukidnon sa miaging semana.
Namahayag ang kapikas ni Paderes nga si Neneng Paredes nga unta dili dagmalan sa mga rebelde ug buhian na sa dali nga panahon ang bihag ilabina nga daghan sila’g anak dinhi sa lalawigan.
Gipasalig sa 4th ID,Philippine Army nga dili ihunong ang pagluwas kang Technical Sargeant Joseph Paredes nga bihag sa rebeldeng New People’s Army o NPA sa Bukidnon.
Si 4th ID spokesperson Capt Joe Patrick Martinez nga agdon usab nila ang koordinasyon sa ubang grupo ilabina sa local crisis committee ug third party facilitators aron mapahiluna ang pag-release sa kang Paredes.
Si Paredes ang duol na unta nga mo-retiro sa serbisyo dihang nasignit sa NPA sa miaging semana.
