CAGAYAN DE ORO CITY – Giangkon ni Ms Millenials Philippines 1st runner up Danna Rose Socaoco nga dako’g natabang ang personal pagsaksi ni Misamis Oriental Gov Bambi Emano sa koronasyon sa iyang giapilan nga indigay sa kauluhan.
Kini human gipapili si Danna kon unsa ang iyang gusto nga premyo kon motaya ug mudaug sa dula sa lotto.
Miingon ang 21 anyos nga dalaga nga garbo sa Brgy Kibungsod,Magsaysay,Misamis Oriental nga samtang kamulo na kining gipangutana,nalingi-an niini ang gobernador rason nga naka-sentro sa tourism promotion ang unod sa tubag niini.
Gipasabot ni Danna sa iyang tubag nga mas gusto niya ang tourism promotion sa lalawigan itandi sa premyong salapi nga madag-an sa lotto aron maila kini sa tibuok nasud.
Sunod-sunod usab nga gihikyat ni Danna ang mga mahimong ma-offer sa lalawigan alang sa mga turista hinungdan nasakmit niini ang pagsilbing 1st runner up spot sa maong kompetisyon.
Aktibong pag-apil sa Misamis Oriental sa beauty pageant competition kada-tuig ang paagi aron maila pa kini sa nasud.
Si Danna ang pinakaulahing miapil sa national pageant gikan sa Misamis Oriental diin nag-una na sila si Ms Scuba Philippines Sherlyn Doloriel ug Ms Earth Philippines Water Berjenyth Chee nga pulos naghatag dungog sa katawhan sa lalawigan.
