CAGAYAN DE ORO CITY – Miduso karon sa hangyo si Provincial Gov Bambi Emano pinaagi sa resolusyon sa national IATF nga mapaubos pagbalik sa general community quarantine o GCQ ang Misamis Oriental ug mismo ang dakbayan sa Cagayan de Oro.
Kini aron mas hugtan ang health protocols sa maong mga lugar batok sa coronavirus disease.
Miingon ang gobenador nga nabalaka sila nga tungod sa kasamtangang kaluag sa kahimtang sa syudad ug lalawigan,mosamot pa pagdaghan ang kaso sa mga tawo nga matakdan sa maong sakit.
Samtang dili na tumpangan ni City Mayor Oscar Moreno ang komento ni Emano nga giingong nabalaka kini sa pagsaka pa sa kaso sa local transmission sa coronavirus disease dinhi sa dakbayan.
Kini human unang gipalanog sa gobernador nga tungod sa kaluag sa kampanya kontra bayrus sa syudad,madamay ang ang katawhan sa lalawigan.
Apan sa mayor nga dili haom hataga’g panahon ang pasiatab ni Emano kay mas prioridad niini ang paghatag proteksyon sa mga residente batok bayrus dinhi sa dakbayan.
