CAGAYAN DE ORO CITY-Naibta’g tunok si Misamis Oriental Gov Bambi Emano sa gipalig-on ni Pres Rodrigo Duterte nga zero balance billing policy sulod sa nagkadaiyang pampublikong mga tambalanan sa nasud.
Kini human gisulti ni Pres Duterte atol gihapon sa iyang SONA nga gusto niya nga wala’y bayran ang mga magbubuhis nga mga pasyente kon magpa-tambal sa public hospitals.
Miingon si Emano nga dako’g tabang sa Misamis Oriental Cares Systems ang kamanduan ni Pres Duterte aron maubsan ang ilang obligasyon sa nagkadaiyang ospital diin ma-admit ang mga pasyente nga taga-lalawigan.
Hisayrang libuang katawhan na ng natunulan sa hospital assistance sa MisOr Cares program sa kagamhanang probinsyal sukad kini gilusad.
