CAGAYAN DE ORO CITY – Naka-kumpleto na sa iyang bakuna si Provincial Gov Bambi Emano gamit ang Sinovac aron kapanalipdan batok sa pagpanakod sa COVID-19 kagahapong adlawa.
Kini ilabina nga nagsaka ang ihap sa mga empleyado sa kapitolyo nga nagka-bayrus diin pinakaulahi mismo si Provincial Tourism Dept head Atty Jeffrey Saclot nga naka-isolate didto sa kauluhan.
Dugtong niini,miapelar ang gobernador sa katawhan nga limitahan una ang mga paglakaw-lakaw sanglit naka-code red na ang Northern Mindanao Medical Center tungod sa kadaghan sa mga positibo sa bayrus dinhi sa rehiyon.
Hisayrang kabahin ang lalawigan nga dunay pagsaka sa kaso sa bayrus dinhi sa Northern Mindanao.
