CAGAYAN DE ORO CITY – Nakasaway si Gov Bambi Emano nga paghatag usbaw sa pletehan sa mga motorela sulod ning panahon nga nag-antos sa kapit-os ang kabag-ang duot sa katawhan ning syudad.
Kini human unang gi-demanda sa operators ug drivers sa mga motorela nga usbawan hangtod diyes pesos ang minimum nga pletehan sa mga pasahero aron makasugakod sila sa krisis nga epekto sa coronavirus disease sa dakbayan.
Miingon ang gobernador nga unta wala kini tugti sa city hall apan sa panahon na nga makaluag-luag na ang katawhan sa kalisod sa panginabuhian gumikan sa krisis.
Samtang gi-depensa ni City Mayor Oscar Moreno kon nganong angay hatagan sa pabor ang gipangayo nga umento sa pletehan sa mga motorela sa syudad.
Miingon si Moreno nga bisan sa tabang nga nahatag sa city hall sa mga drayber o operators apan dili kini igo aron magamit sa inadlaw nila nga pangihanglan matag-adlaw.
Giangkon sa mayor nga ‘kontra-tiempo’ gyud unta nga mangayo’g usbaw sa pletehan apan naminusan man usab ang mga pasahero sa mga motorela sa matag-biyahe tungod sa pagsunod sa social distancing kontra COVID-19.
