CAGAYAN DE ORO CITY – Pag-usik-usik sa oras ang pagbalik-balik pagtubag sa mga isyu nga walay basehan nga gipakatag sa mga kritiko batok diha sa kapitolyo probinsyal.
Kini ang tubag ni Gov Bambi Emano kon nganong milikay siya mohatag komento sa pipila ka isyu nga gibulgar sa iyang mga kontra sa politika.
Namahayag ang gobernador nga mas naka-pokus sila sa serbisyo sa katawhan sa lalawigan itandi sa pagtumpang sa mga propaganda sa ilang mga kaatbang.
Hisayrang kabahin sa wala tubaga ni Emano nga isyu ang kontrobersyal nga pagparenta sa pipila ka gagmay’ng negosyante sa capitol stalls nga gidumala lamang sa usa ka tawo.
