CAGAYAN DE ORO CITY – Nasunog ang Misamis Oriental Provincial Health Office nga nakabase sa compound sa provincial capitol sa Cagayan de Oro City.
Kini human kalit miulbo ang kalayo sa sulod nga bahin maong buhatan pipila ka minutos ang nakalabay.
Gibutyag ni Misamis Oriental 2nd District Board Member Dexter Yasay nga gimando na ni Provincial Gov Bambi Emano ang kaugalingong pag-imbestigar aron masuta ang posibleng hinungdan sa maong sunog.
Namahayag ang opisyal nga hinoon wala na’y sulod nga mga trabahante sa dihang miulbo ang dakong kalayo.
Kamulo pa nga ang Bureau of Fire Protections fighters sa pagpapulong sa maong gambalay nga mugna usab sa mga kahoy.
Wala pa’y masulti ang BFP nga structural damage sa maong sunog.
Una nang migawas ang impormasyon nga nagsugod ang kalayo sa luyo nga bahin sa nahisgutang gambalay.
Kasamtangang gidumala ni Dr Jerie Calingasan ang PHO.
Kabahin sa mga nasunog ang pipila ka tambal ug mga dokumento sulod sa maong istrkatura.
