CAGAYAN DE ORO CITY-Gikadismaya ni Misamis Oriental Gov Bambi Emano ang pagpositibo sa usa ka empleyado sa kapitolyo-probinsyal sa paggamit sa illegal nga droga atol sa gipahigayon nga random drug-testing.
Si Emano miingon nga usa sa 46 ka mga nagpaubos sa random drug testing ang nagpositibo sa paggamit sa droga.
Apan nagdumili ang gobernador sa pagbutyag sa pagkatawo sa maong empleyado tungod sa balaod sa Civil Service Commission.
Gitin-aw niini nga lalaki ug casual employee ang nagpositibo sa droga. Terminated na sa trabaho ang maong empleyado ug ipaubos kini sa drug rehabilitation.
