CAGAYAN DE ORO CITY – Gidid-an na karon Provincial Gov Bambi Emano ang walo ka provincial hospital nga ipadala pa sa Northern Mindanao Medical Center o NMMC ang mga pasyente nga ubos sa kritikal nga kondisyon gikan sa Misamis Oriental.
Miingon si Misamis Oriental Provincial Task Force on COVID-19 chairman Dr Jerie Calingasan nga tuyo niini nga dili mapun-an ang dugang atimanon nga mga pasyente sa NMMC nga gitahasan paghatag medikasyon sa mga positibo sa coronavirus.
Gipasabot ni Calingasan nga kabahin usab kini sa pagpangandam sa tinguha nga subli pagpa-istrikto nga health protocol sa lalawigan.
Kini ilabina kon aprobahan sa national IAFT ang ilang resolusyon diin naghangyo nga mapaubos sila pagbalik sa general community quarantine o GCQ aron pugnga ang dugang local transmission sa bayrus.
