CAGAYAN DE ORO CITY – Gitakdang ipaubos sa blue alert ang tibuok probinsya sa Misamis Oriental unya sa hapon.
Kini alayon sa pag-aktibo na sa paghatag seguridad sa gobiernong probinsyal ngadto sa katawhan nga kabahin sa mohimo’g pagpamalandong sa daghang pilgrimage sites sa lalawigan sulod ning semana santa.
Miingon si Misamis Oriental PDRRMO head Fernando ‘Sotsot’ Dy Jr nga andam na ang puwersa sa probinsya alang niini haom sa kamanduan usab ni Provincial Gov. Peter Unabia.
Hisayrang anaa sa 23 ka lungsod ug duha ka syudad sa lalawigan ang gipaubos sa taas nga alerto pagsiguro nga hapsay ug malinawon ang semana santa apil ang pagsugat sa Easter Sunday o Domingo sa Pagkabanhaw diin modagsa ang mga deboto sa nagkadaiyang beach resorts.
