CAGAYAN DE ORO CITY-Gipadali karon ni Jail Warden Dominador Tagarda ang pag-rehab o renovate sa Misamis Oriental Provincial Jail o MOPJ diha sa Corrales- Luna Streets ning syudad.
Kini human gikonsiderar sa Bureau of Fire Protection o BFP nga ‘fire hazard’ na ang maong bilangguan tungod sa octupos wiring connections niini.
Miingon si Tagarda nga may nakaandam na nga pondo niini aron
sugdan sa dili madugay ang trabaho sa jail facility diin dunay 770 ka piniriso ning panahona.
Nasayran nga naghulat na ang lote nga tukuran sa bag-ong prisohan apan nagkinahanglan pa kini sa balaod nga mapasar sa Sangguniang Panlalawigan aron mahinayon diha sa lungsod sa Initao,Misamis Oriental.
