CAGAYAN DE ORO CITY-Namiligro nga dugang mga empleyado sa probinsyal kapitol ang mapapha sa ilang pagtrabaho sulod ning tuiga.
Kini kon madiskobre nga nag-positibo sila sa paggamit sa gidiling droga samtang nag-alagad sa katawhan sa lalawigan.
Gihimo ni Gob Bambi Emano ang pagprangka dihang sorpresa nga gipaubos sa random drugtest ang 40 ka empleyado sa kapitolyo sa lalawigan kagahapong adlawa.
Miingon si Emano nga gilayon nila itugyan kang provincial administrator Atty Joy Mateo ang resulta kon molugwa na kini gikan sa crime lab sa PDEA-10.
Nasayran nga may usa ka empleyado na ang natangtang sa trabaho dihang nasapon paggamit sa gidiling droga sulod sa motel sa syudad sa tuig 2017.
