CAGAYAN DE ORO CITY – Gidid-an na ang tanang residente nga maka-biyahe bisan asa nga bahin sa Misamis Oriental nga walay gihuptan nga health quarantine pass.
Kini subay sa gilugwa nga kamanduan ni Provincial Gov Bambi Emano aron minusan ang tsansa nga magbaton sa sakit nga coronavirus ang katawhan sa lalawigan.
Miingon si Emano nga gusto lamang niini nga mamintinar ang kaluwasan sa katawhan ilabina nga bugtong Misamis Oriental na lamang ang wala pa’y kaso sa positibong kaso sa bayrus sa rehiyon.
Hisayrang ang lalawigan ang ubos sa general comprehensive community quarantine batok bayrus.
