CAGAYAN DE ORO CITY-Gipasalig sa mga mayores nga tabangan nila ang ilang katawhan nga dili makabig sa pagsulod sa kalihukan sa komunista pinaagi sa pagduyog sa rebeldeng New People’s Army o NPA.
Gihimo ni 403rd IB,Philippine Army commander Col Edgardo de Leon ang pahayag nunot sa pagtambong sa mga mayores sa gipatawag nga tigom sa mga sundalo sa 4th ID,Philippine Army sa Brgy Patag sa syudad.
Miingon si De Leon nga gihimo nila kini aron maluwas ang kabus nga katawhan nga kanunay hayluhon sa mga rebelde nga masuko batok sa gobierno ayha makasulod sa ilang armadong pakigbisog.
Gihimo ni De Leon ang pahayag nunot sa paghangyo usab nila sa mga mayores nga tabangan sila sa kampanya batok insurhensiya sa lalawigan.
