CAGAYAN DE ORO CITY – Gitin-aw ni Misamis Oriental Governor Bambi Emano nga iyang ihatag ang mid-year bonus sa mga regular nga empleyado sa Kapitolyo Probinsyal.
Siya miingon nga pabilin nga intact ang pondo ug walay kamatooran ang report nga giggamit sa miaging piliay ang budget alang sa mid-year bonus.
Si Emano miingon nga walay makaboot kaniya kon idungan nalang sa bonus sa Disyembre ang mid-year bonus sa mga empleyado kay nalatid kini sa balaod.
Unang gipasabot ni Emano nga pipila lamang ka empleyado ang apektado diin gidudahan nga nabaligya na ang ilang bonus hinungdan nga pugsanong gusto ilugwa aron may ibayad sa nabaligyaan nila niini.
Hisayran nga daghan sa empleyado ang gapaabot niini human naandan na sa pamunuan ni Emano nga dili pa matapos ang bulan sa Mayo mahatag na ang mid-year bonus.
