CAGAYAN DE ORO CITY – Nakasuhan na sa piskalya ang aktibong elected official nga unang nadakpan tungod sa illegal nga droga diha sa Purok Mauswagon,Brgy Poblacion,Lugait,Misamis Oriental.
Gibutyag ni Lugait Police Station commander Lt. Nilo Maderce nga kasong pagbaligya sa ilegal nga droga ug paghupot sa granada ang gipasaka batok sa49 anyos nga si Dennis Sismar Bacatan kagahapong adlawa.
Nasikop si Bacatan pinaagi sa search warrant diin nakumpiskar sulod sa iyang panimalay ang balor 100-mil pesos nga shabu, granada ug dul-ag 13-mil pesos nga salapi sa miaging adlaw.
Sa panig sa suspek,kusganong gihimakak niini ang pasangil sa mga otoridad batok kaniya.
