CAGAYAN DE ORO CITY- Gikompirmar sa Misamis Oriental Provincial Police Office o MOPPO nga ikatag nila ang mil-088 ka aktibong pulis sa 25 ka lugar sa 2019 midterm elections.
Kini human gipasalig ni Misamis Oriental Provincial Police Office Director Police Col Rolando Destura nga andam na sila paghatag seguridad sa piliay kuyog ang militar sa 23 ka lungsod ug duha ka syudad sa piliay sa Mayo 13 ning tuiga.
Miingon si Destura nga partikular nila nga hataga’g pagtagad ang mga lugar diin taas ang hulga sa rebeldeng New People’s Army o NPA sa lalawigan.
Samtang sa pikas bahin,gihatagan na’g tahas sa Armed Forces of the Philippines Western Mindanao Command o AFP WestMinCom ang ground commanders pagmintinar sa hapsay ug malinawon nga paglusad sa piliay.
Kini human ipatawag sa kadagkuan sa WestMincom ang mga kumander sa tanang probinsya ug kalungsuran diin anaa ang init nga ribal sa politika sa mga kandidato.
Miingon si AFP WestMinCom spokesperson Lt Col Gerry Besana nga tahas nila magbaton sa zero related incidents sa piliay bisan notado ang pipila ka bahin sa Western Mindanao nga dunay hugot nga ribal sa mga kandidato sa 2019 midterm elections.
