CAGAYAN DE ORO CITY – Gi-kuwestiyon karon ni Misamis Oriental Provincial Police Office deputy director for operations Maj Albart Tare kon nganong nalambigit ang iyang pangalan sa pagpusil sa menor de edad nga babaye gawas sa hall of justice sa Upper Carmen ning syudad.
Kini bisan nga gikasuhan sa biktima nga si Justine Debbie Ceniza nga taga-Lanao del Norte si Tare diin sila nagkatagbo sa case arraignment sa wala pa nahitabo ang kremin.
Miingon si Cagayan de Oro City Police Office o COCPO spokesperson Police Major Ivan Viñas nga gihulat ni Tare nga kuhaan kini’g panig sa Carmen Police Station aron limpyohan ang iyang pangalan.
Si Ceniza ang unang gikasuhan ni Tare sa pagpangawat ug mi-resbak usab kini’g kaso sa act of lasciviousness diin gidungog sa korte niadtong Martes sa buntag ayha natigayon ang pagpamusil ngadto kaniya.
Samtang gitahasan ni retired army major general ug karon Kag Romeo Calizo ang kapolisan nga hatagan sa hugot nga seguridad ang babayeng mabdos nga gipusil sa motorcycle in tandem suspects ning syudad.
Kini human nagtoo si Calizo nga may grupo nga naglaraw tiwasan si Ceniza nga wala maintimano pagpusil sa mga suspek gikan pagtambong sa case arraingment batok kang Police Maj Albart Tare sa korte sa syudad sa miaging adlaw.
Gani,gikuwestiyon usab sa konsehal kon nganong bisan sa kahugot sa seguridad sa dakbayan,makalusot ang mga armado hinungdan napusilan ang biktima.
