CAGAYAN DE ORO CITY – Seryosong tutukan sa Misamis Oriental Provincial Police Office ang illegal numbers game ug uban pang klase nga sugal ubos sa pagdumala sa bag-ong provincial director nga si Police Col Robert Roy Bahian.
Sa unang adlaw sa bag-ong assignment ni Bahian, gilayon niyang gimanduan ang tanan chief of police nga dili undangan ang kampanya partikular na sa ilegal swertes.
Gawas niini, mupatuman usab sa hugot nga kampanya batok ilegal nga druga ang kapolisan sa lalawigan isip kabahin sa mandato ni Police Regional Office 10 Police Brig Gen Rafael Santiago Jr.
