CAGAYAN DE ORO CITY-Gikalipay sa grupo ni Binuangan Police Station commander Sr/Insp Dante Hallazgo nga himoon sila nga ehemplo sa tibuok PNP kon giunsa ang pakigbatok sa mga pag-atake sa rebeldeng New People’s Army o NPA.
Kini human unang gibisita ni DILG Undersecretary Eduardo Ano si Hallazgo kuyog ang laing pito ka kauban sa Binuangan Police Station,Binuangan ning lalawigan sa miaging semana.
Gibutyag ni Hallazgo nga igo lamang nila gihimo ang tahas nga gisangon kanila sa ilang kadagkuan nga mosukol batok sa mga pag-atake sa NPA rebels.
Una niini,sobra ang kalipay ni Ano nga nakit-an ang maong mga pulis nga mipukan sa mga rebelde diin sila gihatagan sa mga pasidungog ug pahalipay gikan kang Pres Rodrigo Duterte.
