CAGAYAN DE ORO CITY-Gipanalipdan sa iyang mga kaubang pulis si PO3 Brian Yamaro kinsa nakapusil-patay sa anak sa suspetsadong drug pusher nga ilang nadakpan diha sa Naawan, Misamis Oriental sa miaging gabii.
Sa pakighinabi sa Bombo Radyo, gibutyag ni PO2 Niel Reyes sa Naawan Police Station nga igo lamang mi-depensa sa iyang kaugalingon si Yamaro, human gi-ilog sa namatay’ng si Greggy Sabayanan ang iyang armas.
Si Reyes miingon nga wala unta mapusilan-patay ni Yamaro si Greggy kon wala kini nangilog ug armas ug mipusil usab sa nasampit nga pulis.
Hinoon, namahayag si PO2 Reyes nga anaa na karon sa luwas nga kahimtang si PO3 Yamaro samtang nagpa-alim sa Iligan Sanitarium Hospital tungod sa pinusilan sa iyang kamot.
Gitakda usab nga kasuhan sa pagsupak sa RA-9165 ang amahan ni Greggy nga si Ludimo Sabayanan karong adlawa.
