CAGAYAN DE ORO CITY – Gibasol ni Mohon Punong Brgy Francis Sabio ang Phividec kon nganong adunay nag-operate nga paktorya nga tigbuhat sa peke nga candy sa lungsod sa Tagoloan,Misamis Oriental.
Miingon si Sabio nga kon gihimo lamang unta sa mga pesonahe sa Phividec ang ilang tahas, hayan nga dili unta kini mahitabo.
Nagbutyag si Sabio nga galisod sila sa pag inspection sa mga patigayon sa ilang lugar kay sagad nga rason sa mga tag-iya nga ang Phividec lamang ang may katungod sa paghimo niini.
Kini ang hinungdan gihagit ni Sabio si Phividec administrator Atty Franklin Quijano nga buhaton ang ilang trabaho batok sa mga negosyante nga naghimo’g ilegal sa maong lungsod.
Samtang paimbestigaran ni Phividec administrator Atty Franklin Quijano ang kompanya nga nasapon sa mga otoridad nga naghimo’g mga peke nga snow bear candies Bryg Mohon Tagoloan Misamis Oriental.
Kini human gilusob sa mga personahe sa NBI, BIR,PNP ug govt elected officials duha ka warehouse diin nakita ang minilyong kantidad sa candies,ingridients ug usa ka truck nga pekeng sigarilyo sa kagahapong adlawa.
Miingon si Quijano nga kinahanglan gayung ipasirado ang maong kompanya samtang magpahigayon sa imbestigasyon.
