CAGAYAN DE ORO CITY – Naka-hold ang general community quarantine order ni Gov Bambi Emano alang sa 23 ka lungsod ug duha ka component cities sa Misamis Oriental.
Kini human may pipila ka probisyon sa iyang kamanduan ang giusab aron mas epektibo mapatuman ang kuwarantinas batok coronavirus sa lalawigan.
Miingon ang gobernador nga hatagan nila sa kopya si City Mayor Oscar Moreno ug ang pipila ka lungsod sa Bukidnon alang sa pinal nga pagpatuman niini sulod ning semanaha.
Samtang dili suliran kang Moreno nga malangan ang pagpatuman sa unified community quarantine nga gitumong sa syudad ug lalawigan.
Kini human dunay gi-revise ni Emano nga bahin sa iyang general community quarantine diin kabahin sa gimando niini nga did-an makasulod ang dili taga-Misamis Oriental nga walay klaro nga katuyuan.
Miingon si Moreno nga maoy importante kaniya nga magkahiusa sila ni Emano sa pagsumpo sa pagsulod sa coroanvirus dinhi sa syudad ug lalawigan.
