CAGAYAN DE ORO CITY-Nasikop pinasikad sa search warrant order sa korte ang re-elected brgy kapitan sa Brgy
Poblacion,Lagonglong,Misamis Oriental.
Kini human nakuhaan sa dose ka gitoohang sachets sa shabu balor 136-mil pesos si Poblacion Brgy Kap. Honiforte Redondo Jr,33 anyos,minyo ug nagpuyo sa maong lungsod kagahapon sa hapon.
Miingon si PDEA regional director Wilkins Villanueva nga gisikop si Redondo gawas nga tiggamitan si Redondo,gigamit usab niini ang pipila ka brgy tanod aron mamaligya sa gidiling droga sa ilang lungsod.
Si Redondo nga detinado na sa PDEA mini-cell ang giksondirar nga high value target ug anaa sa listahan ni Pres Rodrigo Duterte.
Samtang giangkon ni Redondo nga migamit kini sa shabu apan wala sukad namaligya niini sa lungsod sa Lagonglong,Misamis Oriental.
Gihimo ni Redondo ang pag-angkon human kini masikop sa PDEA-10 diin nakuha gikan kaniya ang balor 136-mil pesos nga gitoohang shabu sulod sa iyang pinuy-anan.
Giangkon ni Redondo nga nangayo na kini’g pasaylo sa ilang katawhan ug nagpasalig nga mohunong na paggamit sa maong bisyo.
Si Redondo ang kanhi surrenderee sa Toktok Hangyo sa PNP ug nasubli-an pagka-kapitan sa brgy sa ikatulong termino kay walay mi-kontra kaniya sa miaging May 14 brgy ug sk elections.
