CAGAYAN DE ORO CITY-Patay ang usa ka rescuer nga sakop sa PDRRMO human giatake sa iyang balatian samtang miapil sa usa ka orientation diha sa kapitolyo-probinsiyal.
Giila ang namatay nga si Allan Cayinawan, 52- anyos, minyo ug residente sa Brgy Lapasan ning syudad.
Matud ni PDRRMO head Fernando Sotsot Dy Jr nga kalit lamang giatake sa iyang sakit ang biktima samtang nanghipos sa mga gamit.
Maoy gireklamo sa biktima sa iyang kauban nga kapoy ang tuhod niini hinungdan nga mihigda ug giatake.
Gitunulan na’g hinabang ni Gov Bambi Emano ang pamilya sa namatay.
Kasamtangang nakahaya ang biktima sa punerarya nga nakabase sa Sitio Bolonsiri,Barangay Camaman-an sa syudad.
