CAGAYAN DE ORO CITY – Gikuwestiyon ni Misamis Oriental Tourism Dept consultant Leona Fe Cabagnot kon unsa kalig-on ang basehan ni City Mayor Oscar Moreno nga pag-akusar nga utok kini sa hotline 8888 complaint.
Kini human unang gitudlo ni Moreno nga si Cabagnot ang mitawag aron konohay e-reklamo nga nagpasagad ang syudad sa pakigbatok sa COVID-19.
Miingon si Cabagnot nga gikadismaya niini ang pagpataka’g estorya ni Moreno nga walay igong basehan.
Samtang gipahugtan pa karon sa PNP Cyber Crime ang ilang pagmonitor sa mga peke nga account sa social media diin gapakatag sa mga fake news.
Gibutyag ni Police Major Rey Vincent Magto sa PNP CyberCrime nga may mga na identify na sila nga mga account nga gapakatag sa sayop nga mga balita.
Gipanganti si Magto nga ilang kasuhan ang mga tawong gahimo sa ingon.
