CAGAYAN DE ORO CITY –Suportado ni Misamis Oriental Provincial Task Force for COVID-19 spokesperson Atty Jeffrey Saclot kon ugaling may lakang nga himoon ang capitol toursim consultant sa akusasyon ni City Mayor Oscar Moreno.
Kini human akusahi ni Moreno nga si Leona Bagaipo Cabagnot, taga Zone 9, Upper Jasaan, Misamis Oriental ang babaye nga nagtawag-tawag sa hotline 8888 aron isumbong ang paagi sa pagsumpo niini sa coronavirus diseease ning syudad.
Miingon si Saclot miingon nga naghatag sa dakong kaulawon sa opisina ang gihimo sa alkalde sa syudad ilabina nga walay kamatooran nga si Cabagnot ang mihimo niini.
Una niini,gibulgar ni Moreno nga drama lamang nila ni Provincial Health Office Dr Jerry Calingasan kuyog si Saclot ug Cabagnot ang tanan aron gub-on ang iyang pagkatawo ning syudad apan kusganon kining gipanghimakak nila.
